១. ចំពោះសហគ្រាស ឬបុគ្គល៖
- ទទួលបានអត្ថប្រយោជន៍ និងការលើកទឹកចិត្តផ្សេងៗពីរាជរដ្ឋាភិបាលស្របតាមមាត្រា២៨នៃច្បាប់ទេសចរណ៍ ៖
- សិទ្ធិក្នុងការធ្វើអាជីវកម្មក្នុងតំបន់ពិសេសមួយចំនួន
- ការកាត់បន្ថយថ្លៃចេញអាជ្ញាបណ្ណទេសចរណ៍
- ការផ្សព្វផ្សាយនៅក្នុងប្រព័ន្ធគេហទំព័រអ្នកទទួលរង្វាន់ពិសេស
- ការផ្សព្វផ្សាយនៅក្នុងសៀវភៅអ្នកទទួលរង្វាន់ពិសេស
- ការទទួលអាទិភាពនៅក្នុងយុទ្ធនាការផ្សព្វផ្សាយ
- ទទួលបានវិញ្ញាបនបត្រទទួលស្គាល់ជ័យលាភី (ដោយរាជរដ្ឋាភិបាលកម្ពុជា) មានសុពលភាពរយៈពេល ២ឆ្នាំ ដែលនឹងជួយលើកស្ទួយមុខមាត់ និងកេរ្តិ៍ឈ្មោះរបស់បុគ្គល ឬសហគ្រាស និងជាយុទ្ធសាស្រ្តផ្សព្វផ្សាយទីផ្សារក្នុងការទាក់ទាញអតិថិជន
- អាចជួយកាត់បន្ថយចំណាយប្រតិបត្តិការតាមរយៈការប្រើប្រាស់ធនធានប្រកបដោយប្រសិទ្ធភាព។
២. ចំពោះចលនាប្រឡងប្រណាំង “ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ”៖ រង្វាន់នេះនឹងក្លាយជាយន្តការទ្រទ្រង់ និងចូលរួមប្រកបដោយប្រសិទ្ធភាពក្នុងចលនាប្រឡងប្រណាំង “ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ” នៅព្រះរាជា-ណាចក្រកម្ពុជា តាមរយៈការជំរុញ និងការលើកទឹកចិត្តឲ្យមានការអនុវត្តដោយផ្ទាល់ ឬដោយប្រយោលពីសំណាក់ សហគ្រាស ឬបុគ្គលក្នុងវិស័យឯកជនស្របតាមទស្សនទាននៃភាពស្អាត និងបៃតង។
៣. ចំពោះសង្គមជាតិ៖ ចូលរួមចំណែកក្នុងការកសាង និងអភិវឌ្ឍសេដ្ឋកិច្ច បរិស្ថាន សង្គម និងវប្បធម៌ប្រកបដោយនិរន្តរភាព និងមានការបែងចែកប្រកបដោយសមធម៌ ជាពិសេសជួយលើកកម្ពស់សុខុមាល-ភាព និងជីវភាពរស់នៅ របស់ប្រជាពលរដ្ឋដែលរួមចំណែកក្នុងគោលនយោបាយរបស់រាជរដ្ឋាភិបាលក្នុងការកាត់បន្ថយភាពក្រីក្រ។