ការដាក់បញ្ចូលគោលការណ៍នៃការអភិវឌ្ឍប្រកបដោយនិរន្តរភាពក្នុងសកម្មភាពអាជីវកម្ម ស្តែងឲ្យ​ឃើញ​ពីការ​​ចូលរួមរបស់ក្រុមហ៊ុនដល់ការថែរក្សា ការអភិរក្ស ការធ្វើឲ្យប្រសើឡើងនៃបរិស្ថាន និង​ការធានាថាផលប៉ះពាល់ដល់បរិស្ថាននឹងត្រូវកាត់បន្ថយឲ្យនៅត្រឹមកំរិតអប្បបរមា។

ចំពោះរង្វាន់ប្រភេទនេះ គឺទាមទារឲ្យសហគ្រាសបំពេញតាមលក្ខណវិនិច្ឆ័យទាំងអស់តែម្តង ពោលគឺ១០០% នៃពិន្ទុសរុបដើម្បីទទួលបានរង្វាន់សម្រាប់ “ធុរកិច្ចដែលមានស្នាដៃឆ្នើ​មខាង​ថែរក្សា​បរិស្ថាន​” ។

រមណីយដ្ឋានសណ្ឋាគារភោជន័យដ្ឋានសហគ្រាសធុនតូច និងមធ្យមផលិតវត្ថុអនុស្សាវរីយ៍សហគមន៍ទេសចរណ៍ក្លឹបកីឡាវាយកូនហ្គោលទីភ្នាក់ងារទេសចរណ៍សាលាទេសចរណ៍ផ្ទះសំណាក់ម៉ាស្សា និងស្ប៉ា

ល.រ.	ឯកសារ	ចំនួន (ច្បាប់)
១	អាជ្ញាបណ្ណពីសាម៉ីវិស័យ	១
២	ឯកសារគោលការណ៍ ឬព័ត៌មានរបស់ក្រុមហ៊ុន/សហគ្រាសស្តីពីការអនុវត្ត ឬគោរពទៅតាមលក្ខណវិនិច្ឆ័យនីមួយៗនៃរង្វាន់ប្រភេទនេះ (ចក្ខុវិស័យ ផែនការ និងវិធីសាស្ត្រនៃការអនុវត្ត -ល-)	១
៣	របាយការណ៍ ឬព័ត៌មានអំពីការប្រើប្រាស់ធនធានធម្មជាតិ និងថាមពល (ទឹក ភ្លើង ជាដើម…) សម្រាប់២ឆ្នាំចុងក្រោយ	១
៤	តារាងសម្រង់ស្ថិតិ និងរូបភាពអំពីសំភារៈបរិក្ខាដែលជួយសន្សំសំចៃថាមពល ឬឧបករណ៍ ដែលប្រើប្រាស់ថាមពលកកើតឡើងវិញ	១
៥	របាយការណ៍ប្រៀបធៀបនៃបរិមាណថាមពល និងធនធានដែលប្រើប្រាស់សំភារៈបរិក្ខាទាំងនេះ ធៀបនឹងមុនពេលមិនទាន់ប្រើប្រាស់	១
៦	ព័ត៌មាន រូបភាព សំភារៈនៃការបញ្ជ្រាបការយល់ដឹងដល់បុគ្គលិក និងអតិថិជនអំពីការសន្សំសំចៃលើការប្រើប្រាស់ធនធានធម្មជាតិ និងថាមពល	១
៧	ឯកសារ ឬវត្ថុសំអាង រូបភាព ខ្សែវីដេអូ លិខិតសរសើរ ដែលបញ្ជាក់អំពីតំបន់បៃតងរបស់សហគ្រាស និងការចូលរួមក្នុងសកម្មភាពដាំដើមឈើ	១
៨	ព័ត៌មាន ស្ថិតិ ឬរូបភាពអំពីតំបន់បៃតងនៅក្នុង និងបរិវេណជុំវិញក្រុមហ៊ុន/សហគ្រាស	១
៩	ព័ត៌មាន ឬរូបភាពបញ្ជាក់អំពីភាពស្អាត និងអនាម័យក្នុង និងជុំវិញទីតាំងសហគ្រាស	១
១០	វត្តមានសមាសភាពក្រុមការងារទទួលបន្ទុកកិច្ចការសំអាត និងអនាម័យ	១
១១	តារាងសម្រង់ស្ថិតិស្តីពីប្រភេទសំណល់រឹង-រាវគ្រប់ប្រភេទរបស់សហគ្រាស	១
១២	វត្តមានកន្លែងសំរាប់ស្តុកទុកកាកសំណល់ដែលមានជាតិពុលដោយគោរពតាមបទដ្ឋានបច្ចេកទេស (ករណីមាន)	១
១៣	វត្តមានប្រព័ន្ធប្រព្រឹត្តកម្មកាកសំណល់ ពិសេសសំណល់រាវ និងសំណល់ដែលមានជាតិពុលដោយគោរពតាមបទដ្ឋានបច្ចេកទេស (ករណីមាន)	១
១៤	ព័ត៌មាន វត្តុសំអាង ឬរូបភាព អំពីការប្រើប្រាស់ផលិតផលដែលគិតគូរដល់បរិស្ថាន	១
១៥	រូបភាព ឬខ្សែវីដេអូពាក់ព័ន្ធនឹងសកម្មភាពរបស់សហគ្រាសចូលរួមក្នុងការការពារ និងថែរក្សាបរិស្ថាន	១

ស្លាករង្វាន់ | ទាញយក

វិញ្ញាបនបត្រ